West Ham tho chhuak

Premier League lama beisei phak lo West Ham chuan UEFA Europa Conference League-ah pawh goal an chhuah hmasa. Mahse, Hammers hian Romanian club FCSB laka an goal chhuah chu an chhanglet a, a tawpah 3-1 in an chak.

Anmahni khelmuala khel an nih avangin West Ham lamin inkhel an thunun hneh viau, mahse minute 34-naa Andrei Cordea khung chu second half-ah Jarrod Bowen-a penalty hmangin an sut a, a hnuah Emerson leh Michail Antonio ten an khung belh.

Bowen, Pablo Fornals leh Antonio ten remchang dang pawh an nei vek, mahse goal thum bak an khung thei ta lo. David Moyes-a naute hian Premier League bul an ṭan chhiatna chu European football hmang hian boruak siam ṭhat theih an beisei ngei ang.

West Ham hian league match vawi ruk an khelh tawhah vawi khat chiah hnehna an la chang, qualifying chhiar telin Europe-ah erawh a zawnin vawi thum an chak thung. Pathianni zana Newcastle United nen an inkhelh tur chu a hun sawn a ni.

Europe - UEFA Europa Conference League
Hearts 0 - 4 Istanbul Basaksehir
Fiorentina 1 - 1 Rigas FS
Anderlecht 1 - 0 Silkeborg
Villarreal 4 - 3 Lech Poznan
Austria Vienna 0 - 0 Hapoel Be'er Sheva
Slovacko 3 - 3 Partizan
Ballkani 1 - 1 CFR Cluj
Nice 1 - 1 FC Cologne
West Ham United 3 - 1 FCSB
Vaduz 0 - 0 Apollon
Dnipro-1 0 - 1 AZ
Molde 0 - 0 Gent
Shamrock Rovers 0 - 0 Djurgarden
Sivasspor 1 - 1 Slavia Prague
Basel 3 - 1 Pyunik
Slovan Bratislava 0 - 0 Zalgiris