Spurs player manto ber Davinson Sanchez

Tottenham Hotspur chuan Ajax defender Da­vinson Sanchez chu an club player manto ber ni turin pound maktaduai 42-in an lalut fel ta a, kum ruk chhung an hnena khel turin contract hi an ziahpui.

Sanchez hmaa Spurs player manto ber chu mid­fielder Moussa Sissoko a ni a, France international hian Newcastle United aṭangin nikum khan London club hi pound maktaduai 30-ina pan.

Nipui transfer-a an reh reng hnuah Spurs-in player pahnih an lalut ve ta a, Sanchez hma hian Sou­thampton aṭangin goal­keeper Paulo Gazzaniga chu kum nga chhung atan an lo lalut tawh bawk.

Kum 21 mi Sanchez hian nikum June khan Atletico Na­cional aṭangin Ajax hi a zawm a, Dutch club tan match 32 khelin Europa League final-a Manchester an hneh lohna inkhelah pawh khan inlanin May thla khan 'Ajax Player of the Year'-ah thlan a ni.