US Open khel lo tur Raonic

Tennis inelna zinga lawmman tamna ber US Open-ah world number 11 Milos Raonic hmel kan hmu thei dawn lo. Canadian tlangval hi a banrek na vangin a inkhel thei rih lo a ni.

Kum 26 mi Raonic chuan, "US Open khelh ka chak a, he inelna buatsaih tute leh ka player puite ka zah em em bawk. Mahse, tun dinhmunah chuan ka banrek hi inkhelh pui chi a la ni lo," tiin kumina Grand Slam hnuhnung ber tur a khelh theih dawn loh thu a sawi.

Raonic hian season hmasa khan Wimbledon final a khel a, nomawi inchuhna inkhelah Andy Murray a ngam lo thung. Kuminah beisei a phak lo chhunzawm a, world umber 5 aṭangin 11-naah a tla hniam tawh.