AIFF president-in FIFA president a hmu

AIFF president Kalyan Chaubey leh secretary general Dr. Shaji Prabhakaran te chuan September 9, Zirtawpni khan FIFA Office, Doha, Qatar-ah FIFA president Gianni Infantino an hmu.

AIFF hotute leh FIFA president-te inbiakna hian Indian Football-in hma a sawn theih nan rah ṭha a thlen ngei a rinawm a, India ramin hmasawn a mamawhna lai tur an sawi ho a ni.

Kum 52 mi Infantino hian India ram a tlawh thuai tur thu a tichiang a, FIFA president-in India a tlawh hma hian Indian football tih hmasawnna tur project leh programme-te tihfel hman a ni ang.