Hunthar leh Kanan an champion

Mizoram Volleyball Asso-ciation buatsaih MVA Pro-Division Season Opening Tournament chu Zirtawpni zan khan a hmawr bawk a ni a, tualchhung volleyball inelna hian ngaihhlut a hlawh hle.

Joint YMA Hall, Aizawla mipa final khelhah Hunthar chuan Thutak Nunpuitu Team (TNT) chu 3-2 (25-17,18-25,25-21,20-25, 15-13) a hnehin an champion a, hmeichhe lamah Kanan an champion bawk.

Mipa hi team paruk - Durtlang North, Thutak Nunpuitu Team, Hunthar, Chhinga Veng, Tuichangral bakah Tuipuiral an tel. Hmeichhe lamah Bethlehem Vengthlang, Durtlang, Bungkawn, Kanan, Armed Veng South, Luangmual leh P&E Dept. an inel thung.

Mipa leh hmeichhia hi pool pahnihah ve ve ṭhenhran an ni a, an inkhelh kual vek hnuah a sang pahnih ten semifinal an lut a, chumi hnuah final an khel leh a ni.

Thlirna Tawi
Mipa
Champion Hunthar VC
Best Setter Remsangzuala, Hunthar VC
Best Spiker Vanlalṭanchhana, TNT

Hmeichhia
Champion Kanan
Best Setter FVL Hmuchhuaki, Kanan
Best Spiker Lalramliani, Kanan