Cricket match-ah 'God Save the King'

England leh South Africa chuan Test match vawi thum an khelh tawpna ber chu 'The Oval'-ah an khelh a, Queen Elizabeth II sunna hun an hmangin player leh official ten armband dum an hreng vek. Inkhelh ṭan hmain 'God Save the King' chu sak a ni a, Queen an neih tak loh avangin an hnam hlaa Queen tih chu 'King' tihin an thlak.

Inkhelh hun hi a nihna takah chuan September 8, Ningania khelh ṭan tur a ni a, ruahsur vangin khelh theih a ni lo. Queen Elizabeth II zahna lantir nan Zirtawpniah inkhel a awm lo a, Inrinni khan Test match vawi thumna hi khelh ṭan chauh a ni.

England leh South Africa inkhel hi British sports inelnaa 'God Save the King' an sakna hmasa ber a ni. Test match hi ni nga khelh a ni a, vawiin hian an khel zo ang.