Mizoram an chak zo ta lo

Nimin khan Subroto Cup International Football Tournament (Sub Junior) quarterfinal chu Ambedkar Stadium, Delhi-ah khelh a ni a, champion lai Mizoramin Chandigarh chu 1-0 in an hneh lo.

Mizoram hian group stage paltlang turin Delhi (3-0) leh Rajasthan (2-1) te an hneh. Quarterfinal-a an khingpui Chandigarh hi NCC, CBSE leh Uttarakhand te nen group khatah awmin knockout stage khel turin an inpettling ve bawk. Nimin inkhelah hian Mizoram leh Chandigarh te hi an inhnehtawk a, a tawpah Mizoram hi an vanduai ta zawk a ni.

Under 14 inelnaah hian Mizoram team hi Govt Chawngfianga Middle School, Kolasib hmingin an kal a, player-te hi SYS enkawl Saidan Football Academy-a inzirte an ni.