G90's-in champion an lawm

Kum 1990 chhoa footballer intel khawm G90's chuan September 10, Inrinni khan Chiahpui Resort, Lengpuiah I Day Veteran Football 2022 champion an lawm a, member 150 vel an kal.

G90's chairman HF Lalrinpuia chuan, "Football hi Pathian rawngbawl nan kan hmang zel dawn, Aizawl khaw pawna charity match neih tumin hma kan la mek," tiin Vanglaini a hrilh.

I Day Veteran Football-ah khan G90's hian champion turin final-ah Ari Benjamin LR Hmar leh Hmingthansanga te goal hmangin Mizoram Police Veteran 2-1 in an hneh a ni.