Totti-an chawimawi

UEFA chuan kum 1998 aṭangin kum tinin mi hming ṭha bik hnehah president's award an hlan ṭhin a, kum hnih chhung neih a nih loh hnuah he chawimawina hlu tak hi Francesco Totti hnenah hlan a ni.

Totti hi a inkhelh hun chhungin Roma tan chiah a inlan a, one man club a ni. Italian club tan hian kum 24 chhungin vawi 786 a khel a, UEFA President Aleksander Ceferin hnen aṭangin chawi­mawina hi a dawng a ni.

Ceferin chuan, "Francesco hi inkhelh thiam satliah a ni lo a, naupang sang tam tak entawn a ni. Club pakhat tana inpe pumhlun thei hi a chhuanawm a, UEFA leh keima ngei pawhin kan ngaisangin kan zah a ni," tiin Totti a fak.

Kum 40 mi Totti chuan, "UEFA aṭanga chawi­mawina ka dawn hmasak ber a ni a, kan hnathawh hriatpuitu ka nei hi a lawmawm a. Khelmual chhunga ka hlawhtlinna ang thoin khelmual pawn lama ka chawimawina dawn hi ka chhuang a ni," tiin a sawi.

Totti hian kumin May 28 khan Roma tana match hnuhnung ber a khel a, an khaw club tana a inlan hmasak ber chu March 1993 niin kum 22 a nihin captain a ni tawh. Roma tan Totti hian goal 307 a khung a, Serie A bikah goal 250 khungin Silvio Piola chiah a tluk lo.

UEFA President's Award
1998: Jacques Delors (European Commission, France)
1999: No award
2000: Guy Roux (France)
2001: Juan Santisteban (Spain)
2002: Sir Bobby Robson (England)
2003: Paolo Maldini (Italy)
2004: Ernie Walker (Scotland)
2005: Frank Rijkaard (Netherlands)
2006: Wilfried Straub (Germany)
2007: Alfredo Di Stéfano (Spain)
2008: Sir Bobby Charlton (England)
2009: Eusébio (Portugal)
2010: Raymond Kopa (France)
2011: Gianni Rivera (Italy)
2012: Franz Beckenbauer (Germany)
2013: Johan Cruyff (Netherlands)
2014: Josef Masopust (Czech Republic)
2015: No award
2016: No award
2017: Francesco Totti (Italy)