SAFF U15 India-in final an lut

South Asian Football Federation Under 15 Championship-ah India chuan final an lut ta. India hian nimin khan Bhutan chu semifinal-ah 3-0 in an sawp a, Vikram Pratap Singh, Harpreet Singh leh Ridge Melvin ten goal khat ṭheuh an khung.

Semifinal dangah inelna thlengtu Nepal chuan 4-2 in Bangladesh an hneh bawk a, Pathianni tlai dar 3:00-ah India nen hian final an khel ang. Group stage-ah ram pahnih hi an lo intawng tawh a, 2-1 in India an chak - final ah Nepal-in phuba lak an tum dawn.

India U15-ah hian Mizo goalkeeper Lalbiak­hlua Jongte, defender Lalrokima, midfielder pahnih Lalchhanhima Sailo leh Eric Remruat­puia Chhangte te an awm a, Lalbiakhlua hi first choice goalkeeper a ni.