Messi - 351 goals not out

Lionel Messi-a'n Inrinni zan inkhelah goal hnih a khung a, La Liga-a goal 351 a khung tling a, Barcelona-in Alaves 2-0 in an hneh bawk.

Argentina captain Messi hi La Liga-a goal 350 khung tling hmasa ber a ni a, season 14 chhung a zawna goal khung thei hmasa ber a ni.

Barcelona-in La Liga match hmasa bera Real Betis 2-0 a an hneh ṭumin Messi hian woodwork vawi thum a tih per a, goal a khung lo. Alaves khelmual Mendizorroza-ah Messi hi vanduai chhunzawmin a penalty pet chu Spanish keeper Fernando Pacheco-a'n a dan sak.

Amaherawhchu Messi thiamna hmeh mit theih a ni lo a, Argentine forward hian second half-ah goal hnih a khung a, yard 20 aṭangin crossbar a pet per avangin hattrick erawh a siam lo.

Alaves tan hian minu­te 77-naah Zinedine Zi­dane-a fapa Enzo Zidane a tlan lut a, kum 22 mi French midfielder hi a inzir­chhuahna Real Ma­drid senior team tana a inlan loh avangin Barcelona a hmachhawn hi senior team tana a inlan hmasak ber a ni.