India U-16 champion Lalrokima'n goal a khung

SAFF Under 15 Champ­ionship 2017 chu nimin khan khelh zawh a ni a, India chuan final-ah 2-1 a a thlengtu Nepal hneh­in an champion - India goal khat hi Mizo rawlthar Lalrokima khung a ni.

India squad-a Mizo pali awmah goalkeeper Lalbiakhlua Jongte leh midfielder Lalchhanhima Sailo ten inkhel bul an ṭan a, Eric Remruatpuia Chhangte leh Lalrokima te chu bench-ah dah niin Nepal-in goal an khung hmasa.

Mahse, minute 48-naa Lalrokima luhtir a nih hnuah India game a danglam a, Lengpui rawlthar hian minute 59-naah si phurh sutna goal a khung. India tan minute 75-naah Vikram Pratap Singh chuan goal dang khung ve lehin India an champion ta a ni.

SAFF U15 inelnaah hian India hi Group B-ah Nepal leh Maldives te nen awmin hnehna an chang ve ve a, semifinal-ah Bhutan hneh lehin final-ah Nepal an ngam nawn.