Saina tan bronze medal

World Badminton Championship-ah Saina Nehwal chu semifinal-ah a tla a, world number 1 hlui hi bronze medal-ah a lungawi a ṭul.

Inrinni zan inkhelah Saina hi darkar khat leh minute 14 a inkhelh hnuah Rio Olympics bronze medallist Nozomi Okuhara lakah 12-21, 21-17, 21-10 in a chak lo. Vawi thum an intawn tawhah Japan nula hian Saina hi a vawi khat hnehna a ni.

Kum 27 mi Saina chuan, "Ka chak loh avangin ka lungngai a, chutihrualin ka hliam dam hnu lawkah semifinal ka thleng leh nghal thei hi ka lawm," tiin a sawi.

Semifinal lehlamah Indian shuttler PV Sindhu chuan China nula Chen Yufei chu 21-13, 21-10 in a hneh, kum 22 mi Sindhu hian nizan khan final-ah Okuhara a hmachhawn zui leh nghal a, mipa lamah seeded pakhatna Son Wan-Ho hnehtu Lin Dan leh Denmark tlangval Viktor Axelsen an inhmachhawn bawk a, he thu buatsaih lai hian result kan hre hman lo.