Thenzawlah football inelna

Thenzawl Zone Foot-ball Association buatsaih - Season Opening cum Branch YMA Football Tournament chu nimin khan khelh khelh ṭan a ni a, hawnna hunah hian Mizoram Football Association senior vice president PC Vanlalhruaia chuan a tel pui.

Inelna hi mipa leh hmeichhe tana buatsaih niin Loṭhazawl, Thenzawlah khelh a ni. Vanlalhruaia chuan Mizo nulaten football uar se, tualchhung mai bakah India ram thlenga lang phak khawp player ṭha rawn chhuak se a duh thu a sawi.

Tournament hi vawi li an neihna niin, Thenzawl bakah Thenzawl sub-division huam chhunga khaw hrang hrang - Neihloh, Buangpui, Kanghmun South leh Zote South aṭangin club 14 an tel.

Hmeichhe Football bikah YMA Branch 10 an tel a, lawmman ṭha tawk tak siam niin ruahman dan chuan September 22, Ningani hian a hmawr bawk tur a ni ang.