MotoGP hmahruaitu Dovizioso

Pathianni zan khan British MotoGP tlan a ni a, Andrea Dovizioso chuan lap 20 chu minute 40 leh second 45.496 chhunga tlan thlengin pakhatna a ni. Ducati rider hian point 183 hmuin world championship-ah hmahruaitu a ni nghal.

Silverstone-a in­tlansiakah rider an inel tawk hlawm hle a, lap thum chauh tlan tur a awm tawh tihin kum 31 mi Dovizioso hian Valentino Rossi tlan pelin tun season-a a vawi li nan hnehna a chang a, bike intlansiak ngaihhlut berah hian ṭum ruk hnehna a channa chiah a ni bawk.

Premier-class intlansiak vawi 300 a hmachhawn ṭumah Rossi chu pathumna a ni a, Yamaha rider hmaah hian a teammate Maverick Vinales a thleng thung. Marc Marquez erawh lap 13 bak a tlan thei lo a, Honda rider Marquez hian rider championship hmahruaitu Dovizioso chu point kuain a phak lo.

Kuminah MotoGp intlansiak awm tur 18 zinga 12 an tlan zo tawh a, September 10 hian Misano, Italy-ah San Marino Grand Prix an tlan leh ang.

British MotoGP Results
# Rider Ram Team
1 Andrea Dovizioso Ita Ducati
2 Maverick Vinales Spa Yamaha
3 Valentino Rossi Ita Yamaha
4 Cal Crutchlow GB Honda
5 Jorge Lorenzo Spa Ducati
6 Johann Zarco Fra Yamaha
7 Dani Pedrosa Spa Honda
8 Scott Redding GB Ducati
9 Alex Rins Spa Suzuki
10 Alvaro Bautista Spa Ducati