Hamilton leh Vettel inum tawk zel

Formula 1 driver world champion nih tuma inum boruak a sang chho zel. Pathianni zan khan Lewis Hamilton chuan Belgian Grand Prix-ah hnehna a chang a, a hnung chiahah a elpui Sebastian Vettel a thleng ve bawk.

Mercedes driver Ha­milton hian championship point 2013 hmuin table-ah pahnihna a ni a, hma­­hruaitu Vettel nen an inkarah point sarih chiah a awm. September 3 tlaiah Italian Grand Prix an tlan leh ang.

World champion vawi thum ni tawh Hamilton-a'n Formula 1 intlansiak vawi 200 a hmachhawn tlin niah pole position aṭang­in bul a ṭan a, vawi 58 hnehna a channa niah hian pakhatna ni turin har­satna liantham a tawk lo.

Kum 32 mi Hamilton chuan, "Championship lama kan point ai chuan hnehna chan leh chan loh lam hi ka dah pawimawh zawk a, ka ngaihtuah ber pawh a ni bawk. Ka hmuh dan chuan Ferrari hian tun season bikah chuan car an nei ṭha ber a, hnehna chang tur chuan thapui kan thawh chhunzawm zel a ngai dawn a ni," tiin a sawi.

Belgian Grand Prix Results
# Driver Team Time
1 Lewis Hamilton Mercedes 1h24m42.820s
2 Sebastian Vettel Ferrari 1h24m45.178s
3 Daniel Ricciardo Red Bull 1h24m53.611s
4 Kimi Raikkonen Ferrari 1h24m57.291s
5 Valtteri Bottas Mercedes 1h24m59.276s