Pickford tel loin England
Everton goalkeeper Jordan Pickford chu a tihrâwl na vangin World Cup qualifier-a Malta leh Slovakia hmachhawn team aṭangin a inhnukdawk.
Kum 23 mi Pickford hi ram tan senior team-ah la inlan lo mah se Toffees-in pound maktaduai 30-a an lakluh avangin ngaihven a hlawh a, British goalkeeper manto ber a ni. English keeper hian tun season-a match sarih a inlanah clean sheet vawi li a nei a, West Ham-in loan hmanga an hawh Joe Hart thlak theitu tura ngaih a ni.
Amaherawhchu, Pickford hi Inrinnia Chelsea an hneh loh ṭumin a inhliam a, Football Association chuan, "St George's Park-ah Pathianni tlai khan a rawn inlan a, kum 23 mi keeper malpui hliam chungchang hi enfiah a ni. England leh Everton medical team-te an inbiak hnuah player-te tana ṭha zawk tura ngaiin Pickford hi Everton training-na hmun Finch Farm-a inenkawl chhunzawm tura thawn haw a ni," tiin thuchhuah an siam.
England manager Gareth Southgate chuan keeper pathum Joe Hart, Jack Butland leh Tom Heaton te a neih tho avangin Pickford thlakna tur keeper dang a ko lo. Three Lions hian September 1 zan hian Malta an hmachhawn ang a, September 5 zanah Slovakia an mikhual leh bawk ang.