Final ropui tak a ni - Sindhu

Badminton World Championship silver me­dallist PV Sindhu chuan Nozomi Okuhara nen an inkhelh chu final ropui tak a nih thu a sawi a, gold a dawng lo chiah chu a ui thu a sawi tel bawk.

Kum 22 mi Sindhu hian nikum Rio Olympic-ah khan pahnihna a nihna kawngah Japan nula Okuhara hi a hneh a, kum­in­­ah erawh game thumnaah 20-20 a nih hnuin Indian shuttler hi a vanduai zawkah a ṭang.

Sindhu chuan, "Mi­nute 110 chhung zet kan inkhel a, game hnihnaah khan 73-shot rally kan nei hial, final ropui tak chu a ni chiang a ni. Japanese player-te hian thahrui an ngah tih chu ka hriat sa a ni a, tun ṭum final bikah pawh khan a tawpah a lang chhuak," tiin an in­khelh chungchang a sawi.

World champion nih a chak zia sawizuiin Sindhu chuan, "Gold medal inchuhna inkhela a chak lo zawk nih chu thil hrehawm tak a ni, nakinah chuan ka hun a la her chhuah ve ngei ka beisei," tiin a sawi.