Monaco-ah Jovetic a kal

Ligue 1 champion Monaco chuan Mon­te­ne­gro striker Stevan Jovetic chu Inter Milan aṭangin pound makatduai 10 vel bawrin an lalut a, Manchester City forward hlui hi kum 2021 thleng daih contract an ziahpui. French club hian an tlarhma ti chak turin Se­ne­gal winger Keita Balde chu Italian club Lazio aṭangin kum nga cham turin an lalut tawh bawk.

Kum 27 mi Jovetic hian jersey number 10 a ha dawn a, he jersey hi Kylian Mbappe hak ṭhin a ni. Rawlthar duhawm Mbappe hian an elpui Paris St-Germain chu loan hmangin a zawm ngei dawn niin a ngaih theih.

Winger thar Balde pawhin hmasawn a duh vanga Ligue 1 club zawm a nih thu a sawi ve bawk.

Monaco hian player thar pahnih an lakluh rual hian kum 18 mi Mbappe chu an chan dawn niin a lang. PSG hian pound maktaduai 200 zetin Ney­mar an lei tawh a, tun nipui bazarah sum an hman hnem tawh avangin Mbappe hi an lalut a nih pawhin loan hmangin a nih a ngai dawn, a loan hun a zawh hnuah pound maktaduai 167 velin a nghetin an lalut ang.