Sri Lanka hruaitute an bang
Cricket-a Sri Lanka selection panel chuan home series an khelh meka India laka an chet chhiat avangin an hna aṭanga an ban thu an puang. Sri Lanka hian Test series match thum an khelhah India chu ngam lo vekin 3-0 in an tlawm a, ODI series match nga an khelh turah vawi thum khel tawha tlawm vek bawkin India-in series an la chiang ta.
Chief Selector leh captain hlui ni bawk Sanath Jayasuriya chuan, "Ban mai kan thlang ta a ni. Kan hna aṭanga kan banna lehkha hi sports minister hnenah pawh kan thelut tawh," tiin selector-te chuan banna an thehluh thu a puang. India leh Sri Lanka hian vawiin chawhnu dar 2:30-ah ODI match lina an khel leh ang.