72nd Senior Nationals North East Basketball C'ship ; Vawiin aṭangin Mizoram team inlan dawn

India ram hmarchhaka state zinga basketball thiam ber zawnna 72nd Senior Nationals North East Basketball C'ship chu September 13, Thawhlehni aṭangin Hawla Indoor Stadium-ah khelh ṭan a ni a, vawiin aṭangin inelna thlengtu Mizoram an inlan ang.

Mizoram hmeichhe team-in chawhma dar 9:15 hian Meghalaya an hmachhawn dawn a, mipa team-in chhun dar 11:45-ah pool B pakhatna an hmachhawn ang. Mipa pool B-ah hian Meghalaya, Arunachal Pradesh, Tripura leh Manipur te an awm a, heta ti ṭha ber hi pool A zingah an tel ve dawn. Pool A-ah hian nikum champion Mizoram bakah Assam leh Nagaland te an awm sa a ni.

Hmeichhe lamah Mizoram bakah Assam leh Meghalaya te chu pool A-ah an awm a, pool B-ah hian Tripura, Nagaland, Manipur leh Arunachal Pradesh te an awm thung. Mizoram hmeichhe team hian nikum khan Assam leh Meghalaya te hi an hneh tawh lo a, champion a harsa dawn. Chutihrualin Mizoram mipa team erawh champion lai an nih bakah mahni court-a khel tur an nih avangin champion tura rinkai an ni thung.

Mipa
Pool B - September 13, Thawhlehni
Meghalaya 64 - 30 Arunachal Pradesh
Tripura 21 - 111 Manipur
Arunachal Pradesh 91 - 45 Tripura

Pool B - Nimin Inkhel Results
Meghalaya 76 - 47 Tripura
Arunachal Pradesh 63 - 80 Manipur

Pool A - Vawiin Inkhel Tur
Assam 10:30 AM Nagaland
Mizoram 11:45 AM Pool B Qualifier
Nagaland 18:15 PM Pool B Qualifier

Hmeichhia
Pool A September 13, Thawhlehni
Nagaland 41 - 31 Arunachal Pradesh
Manipur 87 - 28 Tripura
Arunachal Pradesh 97 - 20 Tripura

Nimin Inkhel Results
Tripura 8 - 55 Nagaland
Manipur 45 - 49 Arunachal Pradesh

Vawiin Inkhel Tur
Assam 8:00 AM Pool B Qualifier
Meghalaya 9:15 AM Mizoram
Meghalaya 5:00 PM Assam