FC Goa-in Igor Angulo an lalut

Indian Super League club FC Goa chuan season thar atan Spanish striker Igor Angulo an lalut a, kum 36 mi striker hian kum khat chhung atan contract a ziak a ni. 

Athletic Bilbao youth system chhuak player hian Spanish club lar tan hian La Liga thlengin a lo khel tawh a, Spain tan age level hrang hrangah inlan tawhin Under 19, U20 leh U21 tan a lo khel tawh. Kum 2016 khan Angulo hian Poland lam panin top division club Górnik Zabrze a zawm a, Ekstraklasa club tan hian match 142-a khelhah goal 84-a khung. 

Season hmasa khan Angulo tan hian match 25 khelin goal 12-a khung a, 2018-19 season-ah khan inelna hrang hrangah match 45 khelin goal 28-a khung thei - league bikah goal 24 khungin top scorer a ni. Angulo chuan, "FC Goa tana ka khel thei tur hi ka lawm takzet a, inkhelh hlan ka nghakhlel tawh hle. An khelh dan hi ka lawm zawng a ni a, he club kalphung hian anmahni zawm turin min hmin a ni," a ti. Spanish striker hma hian FC Goa hian NorthEast United-a hming chher tawh Redeem Tlang,  Salgaocar defender ṭhangduang Sanson Pereira leh Minerva Punjab winger Makan Chote te an lo lalut tawh a ni.