Serena hnung zuitu Venus

Venus Williams chuan a nau Serena hnung zuiin Top Seed Open a khelh tur thu a tichiang. Kentucky-a inelna neih tur hi August thlaah khelh a ni dawn a, inelna lian US Open inbuatsaihna zinga mi a ni ang.

Grand Slam vawi sarih champion tawh Venus hian thla hmasa mai khan kum 40 a tling, a kum tam deuh tawh mah se a taksa a la chak ṭha - player dang tana hmachhawn chakawm lo tak zinga mi a la ni. Top Seed Open-ah hian Williams unau bakah Australian Open vawi hnih champion tawh Victoria Azarenka leh 2017 US Open champion Sloane Stephens te an inlan dawn bawk a, inelna hian ngaihven a hlawh ang.