Chelsea leh Havertz inrem hnai

Germany international Kai Havertz chuan Chelsea jersey a ha ngei dawn niin a lang ta, club leh player hi season nga chhung atan an inrem; tunah chuan a man chungchangah Blues leh Bayer Leverkusen an la indawr leh ang.

Bazar thei loa hrem an nihna a zo tawh a, manager Frank Lampard a che na hle. Chelsea midfielder hlui hian tlarhma lam a ngai pawimawh, striker Timo Werner leh winger Hakim Ziyech te an lei fel tawh.

Kum 21 mi Havertz la turin hma an la leh mek, sum erawh an sen huai deuh a ngaih hmel. Khawthlang media-te chuan Germany forward manah hian pound maktaduai 70 tal chu an theh chhuah a ngai dawn niin an sawi. July 26, Pathianni hian Premier League hmawr bawkna neih a ni dawn, inkhel a zawh hnuah Blues technical adviser Petr Cech chu Germany-ah hmai chhana inbiakna nei turin a thlawk lut dawn a ni.