Haaland-a'n goal ropui hmangin a club hlui a vel
Manchester City inkhelh thu ziaha ziahlan tel ngei ngei ngai ziah a awm ta - Erling Haaland-a goal khung thu hi! Norwegian striker hian Thawhlehni zan khan Champions League-ah goal a khung leh ta a, a club hlui Borussia Dortmund lakah City chu 2-1 in hnehna a chanpui.
Dortmund hian City khelmualah Jude Bellingham hmangin goal an khung hmasa zawk a, mahse, mualneitu team tan John Stones chuan si phurh sutin, Haaland-a'n chakna goal a khung zui a, City an chak.
Group G inkhel dangah FC Copenhagen leh an mikhual Sevilla-te 0-0 in an inhnehtawk bawk a, City khelmualah tlawm mah se Dortmund dinhmun a la chhe lutuk lo.
Dortmund an hlauhawm
Edin Terzic-a enkawl Dortmund-in City khelmualah hnehna chan an tum ngam a, mahse, first half-ah team pahnihin goal an khung lo ve ve a, chance hlauhawm tia han phul pui hlut tur a awm lo.
Minute 52-naah Marco Reus chuan chance duhawm zet nei mah se uiawm takin a goal lo a, goal hmasa ber hmu tur erawhin an nghak rei lo - Reus-a'n chance a hlah hnuah Bellingham tan a siamsak a, Liverpool hel lai rawlthar duhawm hian goal-ah ṭha zetin a tauh lut.
Etihad Stadium a reh duk a, Dortmund an lam. Mahse, minute 80-naah defender Stones a rawn lang zawk. England international hian midfielder ṭha bik tiha mawiin goal ṭha zet a rawn khung a, Dortmund keeper Alexander Meyer tan tih theih a awm lo.
Di hlui
Hun tawp nan minute ruk chiah a awm tawh a, team pahnih an inhnehtawk dawn niin a lang hman - mahse, Haaland a inlar a, Joao Cancelo ball thlawh chu Dortmund defender ven kara zuang chungin a tlawh lut a, striker thiam bik tan lo chuan khung chi a ni lo.
City boss Pep Guardiola chuan, "Ka mimal nun, manager leh midang kaihruaitu ka nihnaa Johann Cruyff-a'n ka nuna nghawng a neih dan hi in hre mai thei. Cruyff khan khatiang chiah khan Atletico Madrid lakah Camp Nou-ah a lo khung tawh a, a ropui takzet a ni," a ti a, a striker goal khung a fak.
Haaland-a'n a club hlui a zah tih lantir nan a goal khung a lawm duh lo a, City tan Julian Alvarez chuan khung belhna remchang nei mah se a hmawr a bawk fuh tawk lo - Dortmund tan Thomas Meunier-a'n hnai set sawt aṭanga a hlah te, Donyell Malen-a'n John Stones leh Kalvin Phillips chaih phar chunga a khung lohte pawh uiawm
a tling.