Mizo mipa an chak

Nimin khan 72nd Senior Nationals North East Basketball Champion-ship khelh laiah Mizoram mipa team chuan Meghalaya 91-51 in an hneh a, vawiin chawhma dar 10:30 hian Nagaland nen an inhmachhawn chhunzawm leh

nghal ang.

India ram hmarchhaka state zinga basketball thiam ber zawnnaah hian nikum khan Mizoram hian sulhnu an nei ṭha, kuminah inelna hi Hawla Indoor Stadium, Mualpuiah neih a ni a, mahni tualzawla khel an nih avangin beisei an nei sang zual.

Mizoram hmeichhe team erawh an chak lo, an match hmasa berah Mizoram hian Meghalaya tho an tum a, 67-40 in an chak lo. Vawiin hian match hnih an khel leh nghal dawn, chawhma lamah Assam nen inkhelin tlaiah Manipur an hmachhawn ang.