A tawpah Real an chak

Champions League champion lai, hneh loh nei loa season hmang lai ni bawk Real Madrid chuan RB Leipzig hneh turin vanneihna an mamawh. Hun tawp hma minute 10 chauh awm tawhah goal hnih an khung a, 2-0 in an chak.

Spanish champion tan hian Federico Valverde leh Marco Asensio ten goal an khung a, an goal hnih hi an mikhual hneh nan a tawk. Bundesliga club lamin Christopher Nkunku hmanga an hun ṭha neih chu keeper Thibaut Courtois-a'n ṭum hnih ṭha zetin a dansak a ni.

Real hian UCL match hmasa lamah result an nei ṭha tawk ngai lo, kum 2017-18 season hnua a vawi khat nan an match hmasa pahnihah hnehna an chang ve leh chiah.

Carlo Ancelotti-a'n Champions League-ah a naute match 100 a chakpui tling ta a, European football inelna sangah hian Alex Ferguson (102) nen manager ni chunga chak hnem an ni.