Newcastle tan Isak-a'n goal a khung

Newcastle United-in Inrinni zan khan Bournemouth an mikhual a, Alexander Isak chuan anmahni mual bikah Magpies tana a goal hmasa ber chu minute 67-naah penalty aṭangin a khung. St James Park-ah Cherries hian Philip Billing hmangin an khung hmasa a, 1-1 in inkhel a tawp.

Magpies hian Cherries lakah hian inkhel an thunun a, 72% ball possession neiin vawi 20 lai attempt nei mah se goal-ah an vannei lo. Kieran Trippier leh Joelinton ten goal ban an pet per ve ve.

Newcastle tana goal khungtu Isak hi club history-a player manto ber a ni a, pound maktaduai 60-in Real Sociedad aṭangin an lalut. Kum 22 mi Isak hi Manchester City striker Erling Haaland (£51.2m) ai pawha manto zawk a ni.