Round 4 aṭangin zan inkhel

Zote Honda MPL9-ah round 4 aṭangin zan inkhel a awm ṭan dawn a, September 22, Ningani aṭangin zan inkhel a awm ṭan ang. MPL9 zan inkhel hmasa berah Chanmari FC leh FC Venghnuai te an inhmachhawn dawn a, RG Stadium-ah khelh a ni ang.

Round 4 khuhhawn nan match hmasa pathuma la chak vek Aizawl FC leh hneh loh la tawng lo Mizoram Police te an inkhel dawn a, I Day Football final rematch en a châkawm hle. September 23, Zirtawpniah point la hmu lo Electric Veng leh tlawm la nei lo Chhinga Vengte an inkhel dawn a, zan lamah FC Bethlehem leh Chawnpui te an inkhel dawn. I Day Football-ah khan Bethlehemin Chawnpui hi an hneh.