Shami-a'n Covid-19 a kai

India-in T20 World Cup atana inpuahchah nan Australia nen T20 match thum an khel dawn a, September 20, Thawhlehni aṭangin an khel ṭan ang.

Zirtawpni khan India team-in match an neihna tur Mohali an thleng a, fast bowler Mohammed Shami erawh Covid-19 positive avangin a tel ve lo. Shami thlak nan hian Umesh Yadav hming sawi rik a ni a, ani hi National Cricket Academy, Bengaluru-ah a inhliamna aṭanga ngai awh leh turin training a nei mek.

Kar liam ta khan World Cup T20-a India aiawh tur squad puan a ni a, Shami hi standby-ah a awm. Australia nen match thum an khelh turah Shami hi a tel thei lo a nih chuan BCCI selector hmin theihna hun ṭha a nei tlem sawt dawn a, South Africa nen match thum an khelh turah a chet ṭhat a ṭul khawp ang.