Spurs-ah Llorente leh Aurier

Tottenham chuan French League 1 club hausa Paris St-Germain defender Serge Aurier chu pound makataduai 23-in an lalut a, Premier League club Swansea City aṭangin striker Fernando Llorente an lalut bawk.

Antonio Conte-a'n Juventus lama a lo enkawl tawh Llorente hi Chelsea pawhin an beisei tho a, mahse Spurs hian Spain international hi pound maktaduai 15 bawr vel­in an chang ta zawk a ni. Llorente hian season hmasa khan Swans tan league match 33 a khelh aṭangin goal 15 a khung.

Kum 24 mi Aurier hian tun hnai season thum chhung­in PSG tan inelna hrang hrangah match 81 a khel a, nikum November thla khan PSG leh Arsenal ten Champions League an khelh dawn ṭumin police officer nen an inhnial buai vang­in thla hnih chhung lung in tang tura hrem a lo ni tawh a, hei vang hian London-ah hian a inkhel ve thei lo.

Ivory Coast tana match 41 khel tawh Aurier hi ram tan pawha player ṭangkai tak a ni a, 2014 World Cup khan a inlan bakah kim 2015 Africa Cup of Nations nomawi an chawi theih nana player pawimawh a ni, he tournament-ah hian final-ah Ghana an hneh ṭumin penalty a chhuih lut.