India squad-ah Mizo pathum

AFC Asian Cup 2019 Qualifier khelh mekah September 5-a Macau hmachhawn tur India squad puan a ni a, Mizo pathum an tel. Aizawl FC aṭanga hriat hlawh Lalruatthara chu India senior team squad-ah hian koh tel a ni a, Jeje Lalpekhlua leh Jerry Lalrinzuala te koh an ni bawk.

India hian vawiinah Mumbai aṭangin an inkhelhna tur hmun Macau hi an pan ang. Asian Cup qualifier khelh mekah India hi Group A-ah awmin an match hmasa pahnihah Myanmar leh Kyrgyz Republic an hneh tawh a, group hmahruaitu dinhmun an luah mek.

Macau an hmachhawn tur inbuatsaih nan India hian Hero Tri-nation series an khel zo hlim a, Mauritius hnehin St. Kitts & Nevis an inhnehtawkpui thung. Match hnih an khelhah Lalruatthara inlan lo mah se Stephen Constantine-a'n Hmunhmelṭha tlangval chungah a rinna a nghat chhunzawm a, AFC U23 Qualifier-a captain dinhmun hial a chelhtir defender hi a hruai tel ta a ni.

India Squad
GOALKEEPERS: Gurpreet Singh Sandhu, Subrata Paul, Albino Gomes.
DEFENDERS: Pritam Kotal, Lalruatthara, Sandesh Jhingan, Anas Edathodika, Arnab Mondal, Salam Ranjan Singh, Narayan Das, Jerry Lalrinzuala.
MIDFIELDERS: Udanta Singh, Jackichand Singh, Nikhil Poojary, Eugeneson Lyngdoh, Rowllin Borges, Md. Rafique, Germanpreet Singh, Anirudh Thapa, Halicharan Narzary.
FORWARDS: Jeje Lalpekhlua, Sunil Chhetri, Robin Singh, Balwant Singh.