World Cup khel tur Japan

FIFA World Cup 2018 khel turin Japan an in pet tling - Samurai Blue hian nimin tlai khan Australia chu 2-0 in an hneh a, Takuma Asano leh Yosuke Ideguchi ten goal khung­in match khat khelh tur la nei mah se Russia-a World Cup khel turin an tling chiang tawh.

Japan hi Group B-ah awmin an hnuai chiahah Saudi Arabia an awm a, Australia-in pathumna dinhmun an luah. Socceroos (Australia sawina) tan erawh World Cup khel turin Japan-in an match hnuhnung bera Saudi Arabia an hneh a, anmahni match hnuhnung bera Thailand an sawp a ṭul ang. Saudi leh Australia hi an point hmuh zat a in ang a, goal difference-ah Saudi Arabia an chungnung zawk.