Coimbatore lamah Mizo rider

JK Tyre - FMSCI Na­­tio­nal Racing Cham­pionship vawi 20-na chu Inrinni leh Pathianni hian Kari Motor Speedway, Coimbatore-ah third round neih tur a ni a, intih­siak­naah tel tur Mizo rider paruk leh manager Van­lalmuana te chuan nimin khan inelna hmun tur panin Aizawl an chhuahsan.

August thlatir khan second round tlan a lo ni tawh a, Mizo rider an che ṭha hle. JK Tyre Road to Rookie Cup intihsiakna huangah Lalhruaizela chuan point 38 hmuin table-ah hmahruaitu a ni a, a hnung chiahah hian point 28 hmutu Lal­nunsanga a awm bawk.

Road to Rookie Cup champion leh pahnihna te chu Spain-a neih tur Red Bull Rookies Cup-a inlan turin qualifying an tlan thei ang. Red Bull Rookies Cup hi 250cc class niin MotoGP nena thlunzawm a nih tawh avangin European leg zawng zawngah an tlan ve vek dawn a ni. Mizo rider-te tan beiseina a sang hle.

Gixxer Cup bik hi national cham­pion­ship a ni a, tun inelna bakah hian November 17-18 hian Buddh International Circuit, Noida-ah final round neih leh tur a la ni ang. Mizoram Motosports Association (MiMSA) team hi MSSC, CK Huyndai, LBS Suzuki, D-3 Business Enterprise, MS Bajaj Natiomal Business Enterprise te chuan inelna an hma­chhawn theih nan hian an sponsor a ni.

Mizo Rider kalte
Road to Rookie Cup
# Rider Khua/Veng
1 Lalhruaizela Bawngkawn
2 K Lalnunsanga Electric veng
3 Zothanmawia Venghlui
4 Vanlalthlamuana Salem veng
Gixxer Cup
# Rider Khua/Veng
1 Malsawmdawngliana Kanan Veng
2 Lalmawipuia Bawngkawn