South Africa coach thar Ottis Gibson

Cricket khawvela ram langsar South Africa chuan England bowling coach Ottis Gibson chu head coach turin an lalut dawn a, West Indies player hlui hian South Africa a pan tur thu hi a tichiang tawh. A hna thar hi September-a Proteas (South Africa cricket team sawina) leh West Indies-in test series an khelh zawhah a zawm dawn a, Russell Domingo a thlak ang.

England director of cricket Andrew Strauss chuan, "Ottis hi chona hmachhawn nuamti mi a ni a, South Africa-in an head coach tura an sawm khan hnar harsa a ti a ni," tiin an bowling coach chu chona thar hmachhawn duh vanga an chelh theih loh thu a sawi.

Kum 48 mi Gibson tan head coach dinhmun a vawi khat luahna tur a ni hran lo a, England-a bowling coach dinhmun a chelh hma hian an ram team West Indies chu a lo kaihruai tawh.