Saints midfielder Clasie a chhuak

Southampton mid­fielder Jordy Clasie chuan Belgium club ṭha Club Brugge-ah season khat chhung loan-in a khel dawn. Dutch midfielder hian July 2015 khan Feyenoord aṭangin Saints hi pound maktaduai riatin a zawm a, beisei angin hmun a chang tam lo.

English club-ah sea­­son hnih a cham chhung­in match 46 chiah a inlan a, goal hnih a khung sak. Saints vice chair­man Les Reed chuan, "Tun dinhmunah chuan squad chhah tak kan nei a, midfielder lamah kan phang lo hle. Claise hian Brugge a pan hian a mimal hmasawn nan pawh a ṭha a, match tam zawk a khel thei dawn a ni," tiin an midfielder an chhuahtir chhan a sawi.