France chakna Lemar leh Mbappe

Ningani zan World Cup qualifier inkhelah France chuan an mikhual Netherlands chu 4-0 in an sawp. France tan hian Thomas Lemar-a'n goal hnih a khung bakah Antoine Griezmann leh Kylian Mbappe ten goal khat ve ve an khung bawk.

Netherlands hi si khat faia an chak loh laiin an midfielder Kevin Strootman chu hnawh­chhuah a ni a, player 10 an nih hnuah goal thum ngawt an chhuah belh avangin an tan World Cup khelh beiseina a chau ta hle. Group A-ah Netherlands hian match sarihah point 10 chauh la hmuin palina an ni a, hmahruaitu France chu point sarih zetin an phak lo tawh - Pathianni zan dar 9:30-ah Bulgaria an mikhual ve leh thung ang.