Valentino Rossi a inhliam na

Bike intlansiakna ngaih­hlut ber MotoGP world champion vawi sarih ni tawh Valentino Rossi chu Italy-a training an neihna hmunah a hliam a, a ke ruh a tih nat avangin zai a ngai tura ngaih a ni.

Movistar Yamaha team chuan an rider chungchang sawiin, "A rang thei ang berin zai a ngai ang," an ti. Rossi hian kum 2010 khan a ke ruh a ti na tawh bawk a, kumin May thla khan a pum na vangin damdawi inah dah a ni tawh bawk.

Kum 38 mi Rossi hi kar hmasa a tlan zawh tak British MotoGP-ah khan pathumna a ni a, tunah hian rider championship-a hmahruaitu Andrea Dovizioso chu point 26 in a phak lo mek. Tun season-ah intlansiak hmabak paruk an la nei a, September 10 hian San Marino Grand Prix an tlan leh ang.