Hamilton-a'n contract thar beisei

Lewis Hamilton chuan kum 2018 thleng cham turin Formula 1 Mercedes tan contract thar ziah a beisei thu a sawi. Tun thlatir khan Sebastian Vettel chuan kum 2020 thleng daih Ferrari tan contract a lo ziak tawh a ni.

Kar hmasa khan Mercedes F1 team boss Toto Wolff chuan an driver hi contract thar ziahpui an duh thu a sawi tawh a, mah se championship chiah an ngaihtuah a nih rih avangin thil tih zung zung theih a nih loh thu a sawi tawh - Hamilton a ṭawng chhuah takah chuan tifel thei ngei tura ngaih a ni.

Kum 32 mi Hamilton chuan, "Toto khan season tawp kan nghah tur tur a sawi tawh a, kha thu khan chhan dang vak a nei lo, kan pahnih duhdan a nih bakah champion tuma inelna kan ngaih pawimawh rih vang a ni," tiin a sawi.

Formula 1 diver cham­pionship-ah German driver Vettel-a'n point 220 hmuin hmahruaitu a ni mek a, a vawi nga nan world champion nih theih a inbeisei mek. Vettel hnung chiahah hian point 213 hmutu Hamilton hi a awm ve bawk a, an inkarah point sarih chiah a awm avangin intlansiak pakhat lekah inlehthal thei reng an la ni - Pathianni tlai dar 5:00 hian Italian Grand Prix an tlan leh ang.