Aizawl-ah NE pum huap badminton inelna

North East Zone Inter State Badminton Championship chu Mizoram Badminton Association-in Badminton Association of India (BAI) kaihhruaina hnuaiah a thleng dawn. Inelna hi September 5, Thawhlehni aṭangin R. Deng­thuama Indoor Stadium, Mual­puiah khelh ṭan tur a ni a, Sep­tember 8 thleng a awh ang.

NE pum huap inelnaah hian hmarchhak state pariat an inlan kim dawn. Inelna thlengtu Mizoram bakah Arunachal Pradesh, Assam, Manipur, Meghalaya, Nagaland, Tri­pura leh Sikkim te an inel dawn a, official leh infiammi 160 vel zet an fuan khawm dawn a. BAI secretary Anup Narang pawhin championship chhim turin Mizoram a rawn thleng tawh bawk.

NE Zone Inter State Badminton C'ship hi Zonet Cable TV chuan live-in a pe chhuak dawn a, MBA lam pawh an inpeih tawh hle. Inelna buatsaih turin MBA hian North Eastern Council, Mizoram Cooperative Apex Bank, National Health Mission, Ayush bakah an thawhpui Yonex leh BAI aṭangin ṭanpuina an hmu an ni.