Lalrina Renthlei a thiam ber
Mizoram Snooker Championship chu August 29 aṭanga September 1 chhung khan Hawla Indoor Stadium, Republic Vengthlangah neih a ni a, he inelnaah hian tualchhung player ṭha Lalrina Renthlei a champion.
India Junior number 1 pawh lo ni tawh Lalrina hian final-ah hian natna khirhkhan tak (cancer) a neih hnua rawn kir leh Charles H Thangliana chu 4-1 in a hneh a ni. Lalrina hi India rama Snooker & Billiards inelna lian ber pakhat Cue Slam India khel tura koh a ni a, Mizo player zinga he dinhmun luah thei hmasa ber a ni.