TNT an thiam ber

Mizoram Volleyball Association buatsaih MVA Season opening Tour­nament chu Inrinni khan khelh zawh a ni a, TNT Volleyball Club chuan point 13 hmuin an champion.

Tuikual Indoor Sta­dium-a league round hnu­­hnung inkhelah tual­chhung club hlun TNT hian Hunthar VC chu 25-15, 25-19, 25-15 in an hneh a, inkhel dangah Durtlang North leh Ram­hlun Sporting Club ten hnehna an chang ve bawk.

Season hmasa MVA Pro Volleyball League a champion Hunthar V C chuan match 5 khelhah vawi 4 chak in vawi khat an chak lo a, point 11 hmuin pahnihna an ni. TNT leh Hunthar hnungah hian Ramhlun Sporting Club leh Chhinga Veng VC bakah Durtlang an awm a, MVA Pro Volleyball League a champion hmasa ber Anastasia Volleyball Club chuan hneh nei loin table mawngphah an ni.

Hmeichhe inelna lamah Power Department chuan match hmasa lamah 3-2 a an hneh loh Durtlang chu 3-0 a hneh letin champion nomawi a chawi ve bawk.

Inrinni Inkhel Results
Mipa
Durtlang 'N' VC 3 - 1 Anastasia
25-19, 25-19, 23-25, 25-19
TNT VC 3 - 0 Hunthar VC
(25-15, 25-19, 25-15)
Ramhlun SC 3 - 1 Chhinga Veng VC
(25-14, 25-21, 23-25, 25-23)
Hmeichhia
Power Deptt SC 3 - 0 Durtlang
(25-22, 25-17, 25-21)