NorthEast United zawmtu Sambinha
Hun rei tak an reh reng hnuah NorthEast United chuan Sporting Clube de Portugal aṭangin central defender Sambinha an lalut. Sporting CP chuan an player thar an hralh thu hi puangin, "Sporting chuan NorthEast United nen Sambinha chungchangah inremna kan nei ta," an ti.
Kum 24 mi defender hian Portuguese club S.U. 1º de Dezembro-ah kum 2011 khan a senior career-a ṭan a, season hnih a cham hnuah Sporting CP a zawm. Sporting-a a cham chhung hian B team-ah a hun tam zawk a hmang a, Major League Soccer (MLS) club New England Revolution leh Portuguese second division club S.C. Covilha-ah te loan-a khelhchhuah tir a ni bawk.