World Cup khel tur Mexico

Mexico chuan World Cup 2018 an khel dawn - CONCACAF World Cup qualifier-ah Inrinni khan Panama chu 1-0 in an hneh a, match thum khelh tur la awm mah se World Cup khel turin an tling chiang tawh. Mexico tana goal awmchhun hi Hirving Lozano-a'n minute 53-naa a khung a ni.

CONCACAF aṭangin World Cup khel turin ram pathum chu tling chiang tur an ni a, ram pakhat­in inter-confederation playoff hmangin chance an nei leh bawk ang. CONCACAF World Cup qualifier hi first round aṭangin ram tenau ten an khel ṭan.

Fourth round-ah Group A - C-ah ram 12 an inṭhen leh a, group tina pahnihna dinhmun hauh chin ṭheuhin fifth round an khel leh a ni. Fifth round-ah hian ram paruk hi an inkhel kual vek a, a sang pathum hi World Cup khel tur chiang an ni.

Mexico hma hian 2018 World Cup khel turin Russia, Brazil, Iran leh Japan-te chu an li inpetkai tawh bawk.