Vawiinah Under 17 Football semifinal

Joseph Construction Under 17 Football Tournament 2022 semifinal chu vawiin hian Lammualah khelh a ni dawn a, LPS1-ah 'live telecast' a ni ang. Inelna hi Aizawl DFA buatsaih a ni a, kum 17 hnuai lam tana veng leh khua inelna a ni.

Vawiin chhun dar 12:00 hian Thingsulthliah leh Republic Veng GSA (RGSA) te an inkhel dawn a, chawhnu dar 1:45-ah Bethlehm Vengthlang club Laldingliana Memorial FC leh Hualngohmun GSA te an inkhel leh bawk ang.

Aizawl DFA-in hun rei tak hnuah kum bithliah inelna an buatsaih a, birth certificate dik lo hmang ṭhahnem tak an awm avangin harsatna pawh an tawk nasa hle. Inelna buatsaihtute hian kum dik taka inelna kalpui an tum a, first round aṭanga quarterfinal thlengin certificate dik lo 92 zet hmuhchhuah a ni. Organiser hian khauh taka inelna hi an kalpui avangin 'disqualify' pawh an ṭhahhnem hle.