France player hliam an tam

French Football Federation (FFF) chuan an captain Hugo Lloris leh defender Theo Hernandez te an inhnukdawk tih an sawi a, an player pahnih inlan theih loh chhan hi hliam vang a ni tih an sawi bawk.

Lloris hi a malpui a hliam a, Hernandez hi a khel bawr tihrawl a hliam bawk. Anni pahnih aiah hian Nantes goalkeeper Alban Lafont leh Aston Villa defender Lucas Digne te koh an ni.

World champion lai France hi hliamin a tibuai hle. Paul Pogba, Presnel Kimpembe, Lucas Hernandez, N'Golo Kante, Kingsley Coman leh Karim Benzema te chu inkhel thei loin an awm mek bawk.

Didier Deschamps-a naute hian Ningani zanah Austria nen Nations League an khel ang - Pathianni zanah Denmark nen an inhmachhawn zui leh dawn bawk.