T20 WC vawi sarih khel tur Guptill

21st September, 2022

Nimin khan New Zealand chuan T20 World Cup khel tur squad an puang a, batter Martin Guptill hming a tel. Kum 35 mi Guptill tan October 16 aṭanga khelh ṭan tur inelna hi T20 World Cup vawi sarih a khelhna tur a ni.

Black Caps hian captain atan Kane Williamson an hmang dawn a, Williamson tan T20 World Cup ṭum thuma captain hna a chelhna tur a ni. Williamson chuan, "World Cup squad a tel phak hi chu engtik lai pawhin a hlu a, player 15 thlan chhuahte kan lawmpui e," tiin a sawi.

New Zealand hian match hmasa berah champion lai leh inelna thlengtu Australia chu October 22-ah an hmachhawn ang.

Squad
Kane Williamson (c), Tim Southee, Ish Sodhi, Mitchell Santner, Glenn Phillips, Jimmy Neesham, Daryl Mitchell, Adam Milne, Martin Guptill, Lachlan Ferguson, Devon Conway, Mark Mark Chapman, Michael Bracewell, Trent Boult, Finn Allen.