Portugal an kal zel

Europe champion Portugal-in World Cup 2018 khelh ngei an tum tih khelmualah an lantir chhunzawm zel a, an mi­khualna ramah Hungary chu 1-0 in an hneh. He inkhela goal awmchhun hi Andre Silva tauh luh a ni a, Cristiano Ronaldo siamsak a ni - Hungary-in minute 30-na leka an striker Tamas Priskin hnawh­­chhuah a ni chu an vanduai chhanah an puh ngei ang.

Group B inkhel dangah hmahruaitu Switzerland-in 3-0 a Latvia an sawp avangin Portugal nena an inthlauhna erawh point thum a la ni zel - hei erawh hriat a ṭha, ram pahnih hi October 11-ah an la inhmachhawn leh dawn a, he inkhel hi final ang hiala ngaih theih tur a ni dawn.

Portugal boss Fer­nando Santos chuan, "Switzerland nena kan inkhel tur chauh hi final a ni lo a, Andorra nena kan inkhel tur pawh a ni. Mi tam tak rin aiin a harsa ang," tiin an hmabakah match hautak pahnih a inchhawp thu a sawi.