India U16 tan Rokima

Qatar-a friendly match hrang hrang khel tura zin mek India Under 16-in an match hmasa berah Qatar U16 1-0 in an hneh - he inkhela goal awmchhun khungtu hi Mizo rawlthar Lalrokima a ni.

Inkhel ṭan tirh aṭangin team pahnih an fimkhur avangin goal a lut lawk lo. Second half-ah Lengpui rawlthar Rokima tlan luhtir a ni a, SAFF U16 nomawi an chawi ṭuma India tana final-a goal khungtu Rokima hian minute 75-naah India chakna goal a khung ta a ni.

Mizoramin National Sub Junior 2017 an cham­pion theihna kawnga player pawi­mawh Rokima bakah hian Lalbiakhlua Jongte, Lal­chhanhima Sailo leh Eric Remruatpuia Chhangte-te chu India U16-ah hian an tel bawk.

India Under 16 hian September 10, 2017-ah Al-Sadd U16 chu friendly match an khelhpui leh dawn a ni.