India-in Sri Lanka an hneh vek

An mualah Sri Lanka an zawr - Pathianni khan India nen ODI match nga an khelh tura an match hnuhnung ber an khel a, India hian wicket ruka hnehna an chan leh tak avangin 5-0 in ODI series an la. India hian test series-ah Sri Lanka hi 3-0 in an lo sawp tawh bawk a, Naktuk zan khian Twenty20 match khat an khel leh ang.

Colombo khawpuia inkhelah Sri Lanka an bat hmasa zawk a, over 49.4-ah run 238 siamin an out vek - Sri Lanka tana run siam hnem ber Lahiru Thirimanne chuan run 67 bak a tlin lo. India bat hun a thleng a, over 46.3-ah an target umpha fel derin wicket li chiah an hloh.

India tan captain Virat Kohli bawk a hmuh­nawm a, ball 116 a hmachhawnah run 110 vaw chhuakin a tawp thleng a dam. Kohli hi run 63 siamtu Kedar Jadhav chuan a thlawp ṭha hle bawk.